AY YOLA - Kil Kotom

Урал ерендә борон;
Ырыуҙар йәшәгән;
Урал батырҙың;
Янында ойошҡан;
Урал ҡот биргән беҙгә;
Иман биргән Һомай;
Ошо байлыҡты;
Һәр ғаилә һаҡлай;
Ҡайт, ҡотом;
Ҡотом, кил дә!
Ағын һыуҙай ағып кил;
Аҡ балыҡтай йөҙөп кил дә!
Айғыр булып кешнәп кил;
Һыйыр булып мөңрәп кил дә!
Уңдан да кил, һулдан кил;
Ерҙән дә кил, күктән дә кил!
Ҡайт, ҡотом;
Ҡотом, кил!
Тарихтар төпкөлөнән;
Әсә һөтөнә һеңгән;
Бел шәжәрәңде;
Бел ырыуыңды;
Ошо аманат менән;
Беҙҙең халыҡ йәшәй;
Рәхмәтле булып;
Күктәрҙе данлай;
Ҡайт, ҡотом;
Ҡотом, кил дә!
Ағын һыуҙай ағып кил;
Аҡ балыҡтай йөҙөп кил дә!
Айғыр булып кешнәп кил;
Һыйыр булып мөңрәп кил дә!
Уңдан да кил, һулдан кил;
Ерҙән дә кил, күктән дә кил!
Ҡайт, ҡотом;
Ҡотом, кил!